قدم الدكتور محمد فهيم الخبير الزراعي في مركز البحوث الزراعية وأستاذ المناخ في المعمل المركزي للمناخ الزراعي، عددا من النصائح للمزارعين للحد من تأثير موجات الصقيع والبرد علي المحاصيل الزراعية في صورة عدد من الرسائل للفلاحين والتي جاء بها ما يلي:

• علي كل المزارعين المضارين بسبب موجات الصقيع … برجاء الانتباه والتركيز
• لما زرعك وشجرك يوصل لمرحلة الصور المرفقة دي … يبقي لازم وقفة هنا !!
• الزرع اللى اتصاب بطريقة شديدة وكانت النتيجة احتراق للاوراق او البراعم او الاغصان او معظم النبات او الشجرة بتكلم بالتحديد على المانجو الموز والطماطم والباذنجان والفول والزراعات تحت الانفاق وتحت الصوب ..
• خلينا نتفق بعد حدوث الصقيع ويكون الزرع بهذا الشكل ده بيعتبر النبات فى مرحلة الموت وأن معظم وظائف النبات الحيوية معطلة … وان الستوبلازم بتاع الخلايا نفسه حصل له اضرار جسيمة وتقريبا كل العمليا تالفسيولوجية متوقفة تماماً…
• في الحالة دي لازم نمشي بمبدأ “الترميم” يليه البناء من جديد … يعني ايه؟
• تكون كل معاملاتنا للنباتات والاشجار بالتدريج وواحدة واحدة … والكلام بداية من يوم الخميس 17 يناير 2019 اى بعد انتهاء هذه الموجة تماماً …

أولاً: خطوة الترميم:

1- التوقف التام ونهائيا عن التسميد بسبب توقف النبات عن الامتصاص بسبب ضرر السيتوبلازم فى الخلايا وخاصة في الشعيرات الجذرية و تعطل عمليات البناء الضوئي حتي بشكل مؤقت حتي يتم بناؤها مرة أخري نتيجة إنفجار هذه الخلايا بسبب تجمد العصاره بها … وده هيستغرق من عدة ايام (زي القرعيات تحت الانفاق والصوب) او اسبوع زي الطماطم والباذنجان والفول أو 10 ايام زي المانجو والليموم والموز وباقي الاشجار.

2- الري لمدد قصيرة يعني من 10 – 15 دقيقة (بالتنقيط) وعدم زيادة المياه تحت اى بند حتي لايحدث اعفان جذور بسبب ان سريان العصارة فى حده الادني بالتالي المياه هيكون سحبها من النباتات او الاشجار ضعيفة.

3- يقتصر التسميد على نظام “المنقوع” يعني عمل منقوع سوبر الفوسفات (3 كجم) + منقوع سلفات البوتاسيوم (3 كجم) بالطريقة المعروفة (النقع والتقليب لكل منها على حدا لمدة يوم كامل ثم ترك المنقوع يترشح وتاني يوم الصبح ناخد الرايق ونضخة فى شبكة الري).

4- الإهتمام في هذه الفترة بمنشطات الجذور وعلى رأسها السيتوكينينات مع الحقن ببعض مبيدات أعفان الجذور زي المون كت واليونيفوم او اي ازوكسي ستروبين.

5- اضافة البوتاسيوم فوسفيت بالتبادل مع الكالسيوم فوسفيت او الكالسيوم بورون لمساعدة النبات علي إعادة وبناء خلايا جديدة للأوراق التي لم تتأثر بشكل كبير.

6- عند ظهور بعد الافرع الجديدة وإحياء القمم النامية مره اخرى نبتدي ندخل بعد الأسمدة الخفيفة مثل 19/9/19 لدفع مع النبات لبناء نفسه مرة أخري .

ثانياَ خطوة البناء من جديد:

1- عند ظهور بعض النموات الجديدة او الورق او الافرع الجديدة في القمم النامية يتم البدء في التغذية المتوازنة ببعض الأسمدة الخفيفة مثل 19/9/19 لدفع مع النبات لبناء نفسه مرة أخري مع مخلوط من العناصر الصغرى وخاصة المنجنيز والماغنسيوم والحديد.

2- يتم التخلص من الافرع الجافة او الاجزاء الجافة من النباتات وبعدها يتم الرش بمركبات النحاس فى اماكن قطع هذه الافرع.

3- البدء فى برامج التسميد الطبيعية لكل محصول او شجرة على حسب العمر وطبيعة النمو.