رد غير متوقع من عمرو أديب عن أزمة السكر: «أنا من مدرسة الحقيقة»
علق الإعلامي عمرو أديب، على أزمة السكر عبر برنامجه ” الحكاية”، قائلا: “ليه أي كمية بتنزل السوق بتتبلع ومابيبانلهاش تأثير.. وما بتكلمش على 50 أو 27 جنيه بتكلم على التوفر ».
وتابع عمرو أديب قائلاً: «أنا مش من مدرسة الضمير ولا مدرسة بلاش نضر البلد أنا من مدرسة الحقيقة».
وأضاف “أديب” : «أنا مش مع فكرة تقليل السكر في الشاي أو أن السكر مضر بالصحة، ولا مقولة انتوا شعب بتضروا بلدكم.. إحنا عايزين حل للأزمة دي”، مواصلًا: “طوابير السكر والسلع دي مشاهد كانت من 70 سنة في فيلم ثرثرة على النيل».
وأوضح أديب: «لا تقدر توقف حد بيهرب سكر أو بيخزن سكر أو اللي يبيع السكر بـ50 جنيهًا، لأنه مفيش شرطة سكر في أي بلد، أو تسعيرة جبرية في أي مكان».
وقال: “فشلت تمامًا في فهم موضوع ارتفاع الأسعار خلال الفترة الأخيرة، ولم أجد شماعات عن أسباب الارتفاع في الأسواق”، كما أوضح: “أسعار السلع غير طبيعية، علب اللبن أرقامها غير طبيعية، والزيادة غير طبيعية”.
وتابع أديب منتقدًا الارتفاع الأخير للأسعار: “لو فيه حد بيعمل حاجة من تحت لتحت للدولة دي مش هيبقى كدة.. ده الحروب مأثرتش في الناس كدة؟!”.
